‘कमेडी दरबार’ मा महाराज बनेर भित्रिए मनोज गजुरेल

काठमाडौँ। कमेडी टेलिभिजन शो ‘कमेडी दरबार’ को हास्य कलाकार मनोज गजुरेल भित्रिएका छन्। कलाकार विजय बरालले छोडेपछि उनी शोमा महाराज बनेर भित्रिएका हुन्। शोको महारानीमा गौरी मल्ल रहेकी छन्।

त्यसैगरि, शोको होस्ट पनि हेरफेर गरिएको छ। यसअघि ‘कमेडी दरबार’ मा पूर्वमिस नेपाल होस्ट थिइन्। उनले छोडेपछि मिस सुप्रानेसनल नेपाल-२०२४ सजिना खनाल अनुबन्धित भएकी छन्।

विशेष कार्यक्रमबीच निर्माणटिमले मनोज र सजिना भित्रिएको जानकारी दिएको हो। २७ एपिसोडपछि गजुरेललाई महाराज र सजिनालाई होस्टको रुपमा हेर्न पाइनेछ। त्यसैगरी, होस्टमा विक्की अग्रवालले पनि साथ दिनेछन्।

विजय र नम्रता दुवैले २६ एपिसोडसम्मका लागि सम्झौता गरेका थिए। शोलाई विक्की अगरवाल र श्रद्धा प्रसाईंले निर्देशन गर्दै आएका छन्।