विवाह बन्धनमा गायक जोडी महेश र अस्मिता

काठमाडौं। गायक महेश काफ्ले र गायिका अस्मिता अधिकारी विवाह बन्धनमा बाँधिएका छन् । उनीहरुले प्रेम सम्बन्धलाई आज राजधानीमा विवाहमा परिणत गरेका हुन् ।

अहिले उनीहरुको वैवाहिक समारोह चलिरहेको छ । विवाहमा मेहश र अस्मिता निकट कलाकारहरु उपस्थित छन् ।

उनीहरु प्रेममा रहेको चर्चा विगत लामो सयमदेखि चल्दै आएको थियो । गत असारमा दुबईमा महेशले अस्मितालाई इन्गेजमेन्टको औँठी दिएका थिए ।

महेश र अस्मिता अहिलका चल्तीका गायक– गायिका हुन् । महेशको गीत ‘माया बिरानी’ हिट छ । अस्मिताको स्वर अहिले फिल्मको पाश्र्व गायानमा चल्तीमा छ ।

यी दुवैले विभिन्न मञ्चमासँगै सांगीतिक प्रस्तुतीसमेत दिएका छन् ।