राजावादी अराजकताविरुद्ध एकीकृत समाजवादी कठोर बन्ने

काठमाडौँ। नेकपा (एकीकृत समाजवादी) ले आगामी २५ चैतमा देशभर विरोध सभाको आयोजना गरेर राजावादी अराजकताको विरोध गर्ने भएको छ।

आइतबार प्रचार विभाग प्रमुख प्रकाश ज्वालाले वक्तव्य जारी गर्दै राजावादी गतिविधि विरुद्ध देशभर विरोधसभा गर्ने जानकारी दिएका हुन्। ‘राजावादी अराजक जत्थाद्वारा गरिएको हत्या, हिंसा, निजी तथा सार्वजनिक सम्पत्तिमा आगजनी, तोडफोड र लुटपाटलगायत उदण्ड, विध्वंसकारी र जनविरोधी क्रियाकलपाको घोर निन्दा एवं भत्सर्ना गर्दै यस्ता क्रियाकलपाको देशब्यापी रुपमा भण्डाफोर गर्ने’, विज्ञप्तिमा लेखिएको छ।

ज्वालाका अनुसार सबै प्रदेश, जिल्ला, स्थानीय कमिटी र जनसंगठनहरुले सम्बन्धित तहमा देशव्यापी विरोध सभा हुनेछ। गत १५ फागुनमा राजावादीहरुले एकीकृत समाजवादीको केन्द्रीय कार्यालय र काठमाडौं कार्यालयमा तोडफोड र आगजानी गरेका थिए।