नेपाल आइपुगे बेलायतका राजकुमार (तस्बिरहरू)

काठमाडौँ । बेलायतका राजकुमार एडवार्ड र उनकी श्रीमती सोफिया नेपाल भ्रमणमा आइपुगेका छन्। मंगलबार उनीहरूलाई परराष्ट्रसचिव अमृतबहादुर राई लगायतले त्रिभुवन विमानस्थलमा स्वागत गरेका थिए।

सोफिय र उनका पति राजकुमार एडवार्ड फरक-फरक समयमा नेपाल आइपुगका हुन्। उनीहरूले आज दिउँसो राष्ट्रपति रामचन्द्र पौडेलसँग भेटवार्ता गर्दैछन्।

उनीहरु दुवैले दिउँसो पौने ४ बजे शीतल निवास पुगेर राष्ट्रपतिसँग भेटवार्ता गर्ने तय भएको राष्ट्रपति पौडेलका सञ्चार संयोजक खिला कार्कीले जानकारी दिए।

परराष्ट्र मन्त्रालयका अनुसार उनीहरु ६ दिनसम्म नेपाल भ्रमणमा रहने कार्य तालिका छ। नेपाल बसाइँको क्रममा उनीहरु पोखराको ब्रिटिश गोर्खा क्याम्पमा हुने कार्यक्रममा पनि सहभागि हुनेछन्।

उनीहरु अन्नपूर्ण हिमश्रृंखलाको अवलोकनमा पनि जाने तय भएको छ।