अमेरिकाबाट निकालिएका नेपालीलाई ल्याएर काठमाडौं आइपुग्यो चार्टर्ड विमान (तस्वीरहरू)

काठमाडौँ। अमेरिकाबाट निष्कासित नेपालीहरूलाई लिएर अमेरिकी विमान नेपाल आइपुगेको छ ।

नेपालीहरू ल्याएर आएको अमेरिकी जीआरपी-२३ चार्टर्ड विमान बुधबार बिहान त्रिभुवन अन्तर्राष्ट्रिय विमानस्थलमा अवतरण गरेको हो ।

अमेरिकामा अवैध रूपमा बसिरहेका नेपाली आप्रवासीहरूलाई अमेरिकाले विमान चार्टर्ड गरेर नेपाल फिर्ता पठाएको हो । अवैधानिक रूपमा अमेरिकामा बसिरहेका १० जना नेपालीलाई विमानले काठमाडौं ल्याएर आएको हो । यसअघि अमेरिकाले २७ जना नेपालीलाई नेपाल ल्याएर छोडेको थियो ।

तस्वीरहरू: नेपाल फोटो लाइबेरी